Clooney vill gera Gróu á Leiti ringlaða; stefnumót með Leonardo DiCaprio

George Clooney segist gjarnan vilja fara á stefnumót með karlmanni - og nefnir sérstaklega Leonardo DiCaprio í því sambandi - til að gera sögusmettur ruglaðar í ríminu og koma í veg fyrir að þær viti með hverjum hann raunverulega sé. Þetta kemur fram í viðtali við hann í nýjasta hefti Vanity Fair.

„Ég myndi vilja fara út með nýrri, frægri leikkonu hvert einasta kvöld í þrjá mánuði. Selmu Hayek eitt kvöldið, Halle Berry það næsta, og ganga svo eftir ströndinni hönd í hönd með Leonardo DiCaprio. Fólk myndi halda áfram að kaupa tímaritin en fólk myndi alltaf velta því fyrir sér hvort einhver væri að gabba það,“ segir Clooney.

• Blogga um frétt