Courtney Love segir Kurt Cobain ekki stóru ástina í lífi sínu

Söngkonan Courtney Love segir að Kurt Cobain, söngvari Nirvana, hafi ekki verið stóra ástin í lífi sínu. Love segir að Cobain, sem hún var gift í tvö ár, hafi verið besti vinur sem hún hafi nokkru sinni átt, þótt vissulega hafi hann verið skapstór og oft á tíðum fjandsamlegur.

„Ég held að hann hafi elskað mig. En þegar maður þarf að eiga við mann sem er svona mikill snillingur, en samt svo kvalinn, þarf maður að takast á við mikla mannfyrirlitningu,“ sagði Love í samtali við tímaritið POP.

Love segir hins vegar að leikarinn Edward Norton hafi hins vegar verið stóra ástin í lífi sínu. „Hann gekk Frances meira í föðurstað en Kurt gerði,“ sagði Love, en hún átti dótturina Frances Bean með Cobain fyrir rúmum 12 árum síðan.

• 1 blogg um fréttina

Bloggað um fréttina

• Stefán Friðrik Stefánsson: Courtney Love dömpar endanlega Kurt Cobain