Eva Longoria, sem fer með eitt aðalhlutverkið í Aðþrengdum eiginkonum, hefur trúlofast unnusta sínum, körfuboltamanninum Tony Parker, að því er blaðafulltrúi hennar greindi frá í dag. Ætla hjónaleysin að ganga í það heilaga í Frakklandi, heimalandi Parkers, næsta sumar.
Longoria, sem er 31 árs, skildi við Tyler Christopher 2004, eftir tveggja ára hjónaband. Sama ár kynntist hún Parker, sem er 24 ára.