Bandaríska leikkonan Darlene Conley, sem er mörgum Íslendingum góðu kunn fyrir hlutverk sitt í sápuóperunni The Bold and The Beautiful, er látinn 72ja ára að aldri.
Hún var tvisvar sinnum tilnefnd til Emmy-verðlauna fyrir hlutverk sitt sem tískudrottningin Sally Spectra í þáttunum.
Conley lék einnig í kvikmyndunum The Birds og Valley of the Dolls. Þá lék hún í The Mary Tyler Moore Show, Murder, Sher Wrote og í lögguþáttunum Cagney and Lacey.
Fjölmiðlafulltrúi hennar segir að banamein hennar hafi verið magakrabbamein, en hún lést á heimili sínu í Los Angeles.
Hann bætti því við að hún hafi greinst fyrir þremur mánuðum síðan og að framleiðendur sjónvarpsþáttanna hefðu ekki verið búnir að ákveða hver endanleg örlög hennar persónu hennar myndu verða.