Kvikmyndaleikarinn Vince Vaughn er nú sagður reyna allt sem í hans valdi stendur til að endurvinna ástir fyrrum kærustu sinnar Jennifer Aniston. Vaughn, sem sagður er hafa átt frumkvæðið að því að þau slitu sambandi sínu í október á síðasta ári, er nú sagður iðrast ákvörðunar sinnar ekki síst eftir að greint var frá því að Aniston hefði í hyggju að ætteiða barn.
„Vince er mjög einmana án Jennifer og hann iðrast þeirrar ákvörðunar sinnar að láta hana róa. Hann vill allt til vinna til að fá hana aftur,” segir ónefndur heimildarmaður tímaritsins Look. „Hann vill ganga í hjónaband og eignast börn og það leggst illa í hann að vita til þess að Jennifer taki að sér barn ein síns liðs og beri alla ábyrgðina ein.”