Harry prins er landi og þjóð „til skammar“

„Vill­ing­ur­inn“ Harry prins er á góðri leið með að verða Bretlandi og bresku þjóðinni til skamm­ar, seg­ir breski hirðljós­mynd­ar­inn Arth­ur Edw­ards. „Hann ætti að hegða sér miklu bet­ur,“ sagði Edw­ards í viðtali við BBC, aðspurður um mynd­ir af prins­in­um illa til reika eft­ir næt­ur­klúbba­ferðir.

„Ég held að Harry prins sé kom­inn hættu­lega ná­lægt því að verða landi og þjóð til skamm­ar,“ sagði Edw­ards. „Hann veit að ef hann fer á næt­ur­klúbb­ana bíða ljós­mynd­ar­arn­ir eft­ir hon­um. Þannig geng­ur þetta fyr­ir sig.“

Harry er 22 ára. Bresk blöð hafa kallað hann „vill­ing­inn“, enda hef­ur hann oft kom­ist í blöðin að harla nei­kvæðu til­efni.

• 4 blogg um frétt­ina

Bloggað um frétt­ina

• Sig­fús Sig­urþórs­son.: Kær­asta eða ónafn­greind kona?
• Ótt­arr Makuch: Hann óx ekki frá þjóðinni, held­ur þjóðin frá hon­um
• Tóm­asHa: Nær væri að segja að hann væri að bjarga
• Jó­hann­es Ragn­ars­son: Kon­ung­legt reiðarslag.