Paris Hilton í 45 daga fangelsi

Hótelerfinginn Paris Hilton var í kvöld dæmd í 45 daga fangelsi fyrir að virða ekki skilyrði skilorðsbundins dóms, sem hún hlaut fyrir skömmu fyrir ölvun við akstur. Hilton var fundin sek um ítrekaðan akstur undir áhrifum áfengis.

„Mér þykir þetta leitt," sagði Paris Hilton eftir að dómurinn var kveðinn upp í Los Angeles í kvöld efir að dómari komst að þeirri niðurstöðu, að hún hefði ekki uppfyllt skilyrði sem sett voru fyrir skilorðsbindingu eldri dóms.

Rick og Kathy Hilton, foreldrar Paris, voru greinilega óviðbúin þessari niðurstöðu. Þegar blaðamaður spurði Kathy hvað henni þætti um dóminn svaraði hún: „Hvað heldurðu? Þetta er fáránlegt og ömurlegt og þessi vitleysa er sóun á fé skattborgara. Þetta er brandari!"

• 5 blogg um fréttina

Bloggað um fréttina

• Snorri Bergz: Ágætt! Hilton í djeilið
• Guðsteinn Haukur Barkarson: Kominn tími til !
• arnar valgeirsson: maður er algjörlega með böggum hildar...
• Gunnar Björnsson: Paris fær 45 daga en Jón Ásgeir 90
• Björgvin Gunnarsson: Ha!! Frábær frétt!