Samið um framleiðslu á 24 tvö tímabil til viðbótar

Hollywood Reporter greindi frá því í morgun að gengið hafi verið frá samkomulagi um að halda áfram framleiðslu sjónvarpsþáttanna 24, þar sem Íslandsvinurinn Kiefer Sutherland fer með aðalhlutverk, að minnsta kosti tvö sýningatímabil til viðbótar, eða fram til ársins 2009.

Þættirnir eru nú á sínu sjötta tímabili, og hafa sætt gagnrýni fyrir að vera ekki lengur jafn frumlegir og grípandi og áður. Í fyrra hlutu þættirnir fimm Emmy-verðlaun, þ.á m. fékk Sutherland ein fyrir besta leik í karlhlutverki.

Aftur á móti hefur verið ákveðið að hætta framleiðslu þáttaraðanna Jericho og Close to Home.