Fágætt eintak bókar eftir Oscar Wilde fannst í handtösku

Fágætt eintak af frumútgáfu bókarinnar The Importance of Being Earnest eftir Oscar Wilde fannst í handtösku sem gefin var góðgerðarverslun í Bretlandi. Ekki er vitað hver gaf bókina, en hún er metin á sem svarar tæplega 80.000 krónum. Bókin kom út 1898.

Frá þessu greinir BBC

Á kápu bókarinnar er merking sem gefur til kynna að um sé að ræða 349. eintakið af 1.000 sem prentuð voru. Verslunarstjórinn segir að enginn hafi hina minnstu hugmynd um hver kom með töskuna sem bókin fannst í.

Það er viðeigandi að bókin hafi fundist í handtösku því að ein sögupersónan í leikritinu er sögð hafa fundist í handtösku á Viktoríubrautarstöðinni.

• 2 blogg um fréttina

Bloggað um fréttina

• Jenný Anna Baldursdóttir: Einhver til í að gefa mér kr. 80.000?
• Níels A. Ársælsson.: Stungið í steininn fyrir kynvillu