Gordon Ramsay ælir íslenskum hákarli

„Þá er komið að mestu áskoruninni, þetta er æðislegt ljúfmeti frá Íslandi," sagði sjónvarpskokkurinn Gordon Ramsay áður en hann gaf James May, úr bílaþáttunum Top Gear, kæstan íslenskan hákarl.

Rúmlega 114.000 manns hafa horft á myndbandsbrot af félögunum smakka íslenska gæðafæðið á Youtube, en brotið er úr þætti þar sem Ramsay gefur May ýmsan óhefðbundinn mat.

„Hákarlinn var grafinn ofan í jörð og var þar í þrjá mánuði. Þú þarft að borða hann án þess að verða óglatt, þannig sannarðu að þú sért alvöru karlmaður," sagði Ramsay áður en hann skar vænan bita handa sér og May. Því næst hellti hann íslensku brennivíni í staup og félagarnir gæddu sér á góðgætinu.

James May var fljótur að klára sinn skammt en Gordon Ramsay, sem virðist vera mikill harðjaxl í þáttunum Hell's Kitchen, var fljótur að spýta matnum ofan í fötu.

• 7 blogg um fréttina

Bloggað um fréttina

• Valsarinn: Hehe, hef séð þetta myndband
• Sigríður Sigurðardóttir: Illa farið með góðan hákarl!
• Eggert J. Eiríksson: Afhverju í veröldinni..
• Riddarinn : Gætum við fengið að smakka einkvað Íslenskt. (æl æl)
• Stefán Friðrik Stefánsson: Íslenskt óæti kynnt á alþjóðavettvangi
• Marinó Már Marinósson: Eins og hákarlinn er góður
• Ari Guðmar Hallgrímsson: Hákarl er ekki fyrir aumingja-----------------------------------