Grínisti flutti inn í Ikea
Setja bókamerki
Grínistinn Mark Malkoff býr í New York, hann þurfti að flytja út úr íbúðinni sinni þessa vikuna þegar verið var að eitra fyrir kakkalökkum og þar sem hótel voru of dýr og vinir hans geta ekki hýst hann ákvað hann að spyrja hvort hann mætti flytja inn í næstu Ikea húsgagnaverslun og þar býr hann núna.
„Áttatíu prósent af öllum mínum húsgögnum eru hvort eð er úr Ikea og því væri þetta ekki svo mikil viðbrigði fyrir mig,” sagði Malkoff Í myndbandi á netinu.
Hann flutti inn í Ikea verslunina í New Jersey í gærmorgun og fær að dveljast þar uns verslunin lokar seint næsta laugardagskvöld.
Hann má elda sér sinn eigin mat í mötuneyti starfsfólksins en hann segir að þar sem vaskar og sjónvörp og annað virki ekki líði honum eins og hann búi í sviðsmyndinni úr sjónvarpsþáttaröðinni Vinir (e. Friends) og að hann hafi núþegar eignast marga gervivini meðal viðskiptavina verslunarinnar. Hægt er að fylgjast með Malkoff á vefsíðunni marklivesinikea.com
Forstjóri bendir á ábyrgð birgja vegna verðhækkana
Víkingar komnir yfir 800 milljónir í greiðslur
Barn lést í árásinni
Funda með þingflokkum
Lát hjóna í Neskaupstað: Ákæra gefin út
Beint: Ný ríkisstjórn tekin við völdum
