Britney hittir Leo DiCaprio í laumi

Britney Spears hefur verið að hitta kvikmyndastjörnuna Leonardo DiCaprio í laumi í þeirri viðleitni að gleyma kærastanum fyrrverandi, Justin Timberlake. Britney var miður sín þegar upp úr sambandinu slitnaði og hefur hitt fjölda álitlegra ungra manna til að hressa sig við eftir það. Þeirra á meðal eru Pharrel Williams, Marc Terezi úr Natural og dansahöfundur hennar, Wade Dobson.

Nú hefur hins vegar komið í ljós að Britney bauð stjörnunni úr „Titanic" í heimsókn á heimili sitt í Hollywood Hills um helgina. „Þau áttu stefnumót í laumi á heimili hennar síðastliðinn laugardag. Þau höfðu hist einu sinni áður og kom vel saman svo sameiginlegur vinur kom á þessu stefnumóti," sagði heimildarmaður BANG Showbiz. Kunnugir segja að Britney vilji hitta eins marga myndarlega menn og hún mögulega getur til að æsa upp afbrýðina í fyrrum kærastanum, sem hefur sjálfur stært sig af því að hafa farið á stefnmót með bæði Janet Jackson og Christina Aguilera. Talsmaður Leo sagði hins vegar að hann og Britney væru einungis vinir eftir að þau hefðu kynnst í veislu á Playboy-setri Hugh Hefners. Poppprinsessan ætlar nú að taka hálfs árs hlé frá stjörnulífinu til að safna kröftum. „Hún ætlar að flytja aftur til Louisiana og búa með móður sinni. Hún er þreytt á því að vera stöðugt undir álagi og er enn miður sín vegna Justins," sagði vinur hennar.