Þýskur póstburðarmaður sem var orðinn lúinn á því að burðast með póstpokann sinn hefur játað að hafa hent mörg hundruð bréfum til þess að geta lokið vaktinni sinni fyrr, að því er lögregla í borginni Wuppertal í Þýskalandi greindi frá í gær.
Upp um málið komst þegar vegfarandi rakst á um 500 bréf, stíluð á heimilisföng í grenndinni, sem flæddu út úr ruslatunnu er hafði verið velt um koll. Lögregla fann um 250 bréf til viðbótar á heimili póstburðarmannsins, sem er 21 árs. Honum hefur verið sagt upp störfum.
Wuppertal. AFP.