Rowling: "Dumbledore er samkynhneigður"
Setja bókamerki
J.K. Rowling, höfundur Harry Potter-bókanna, upplýsti í gærkvöldi að ein aðalpersónan í bókunum, galdrameistarinn Albus Dumbledore, væri samkynhneigð. Greindi hún frá þessu eftir að hafa lesið úr nýjustu bókinni fyrir fullu húsi í Carnegie Hall í New York.
Einn áheyrendanna spurði hvort Dumbledore tækist að "finna sanna ást," og svaraði Rowling þá: "Dumbledore er samkynhneigður." Áheyrendur gripu í fyrstu andann á lofti, en síðan var klappað.
Rowling sagði ennfremur að Dumbledor hefði verið skotinn í einum helsta andstæðingi sínum, Gellert Grindelwald, sem hann sigraði fyrir löngu síðan í baráttu góðra og vondra galdramanna.
"Ástin getur blindað mann," sagði Rowling, og bætti því við, að Dumbledore hefði verið svikinn, og að ást hans á Grindewald hefði verið mikill harmleikur.
Vegirnir voru eins og borðstofuborð
Ökumaður í símanum valdur að umferðarslysi
Þarf að koma til móts við ólíkar þarfir lækna
Ekki vandamál að vera karlmaður
/frimg/1/53/17/1531723.jpg)
Kálfur kom í heiminn á miðjum kosningafundi
„Sá vegur er bæði háll og myrkur“
Gasmengun gæti borist yfir höfuðborgarsvæðið