Íslendingar í álfabúningum?

Á vefsíðu tímaritsins Yes Weekly í Norður-Karólínu í Bandaríkjunum eru nú taldir upp þeir 10 staðir þar sem best er að eyða áramótunum. Reykjavík er þar á meðal ásamt Times Square í New York, Rio de Janiero í Brasilíu, Amsterdam í Hollandi og fleiri heimsþekktum borgum.

Þegar lesin er lýsingin á því hvernig Íslendingar halda upp á gamlárskvöld læðist þó að íslenskum lesanda sá grunur, að ritstjórar Yes Weekly styðjist ekki við traustustu heimildir. Lýsingin er eftirfarandi:

„Það verður kalt á Íslandi á gamlárskvöld. Held ég. Er Ísland kaldi staðurinn? Það hlýtur að vera. Þeir kalla það Gamlarskrold og heimamenn fagna því með því að bjóða ferðamönnum inn á heimili sín, gefa þeim heitt að drekka, kveikja varðelda og  ærslast um í álfabúningum. Alveg eins og í Hringadróttinssögu. Í kaupbæti, ef himininn er heiður, er hægt að sjá norðurljós þegar klukkan slær 12."

Tíu bestu staðirnir á gamlárskvöld

• 4 blogg um fréttina

Bloggað um fréttina

• Gunnar Th. Gunnarsson: Ekki alveg sannleikanum samkvæmar
• Daníel Sigurður Eðvaldsson: Lýsing á gamlárskvöldi eða Þjóðhatíð?
• Haukur Nikulásson: Blaðamaður Mbl. ekki mikið betri en blaðamaður Yes Weekly
• Ester Júlía: Jú þetta passar nær alveg.