Veröld/Fólk | 1 Fólk - fréttir | mbl | 6.3.2008 | 12:13

Kynmök taki sjö til þrettán mínútur

mbl.is

Bandarísk könnun sem byggð er á upplýsingum kynlífsfræðinga í Bandaríkjunum og Kanada hefur leitt í ljós að fólk nýtur kynmaka best þegar þau standa í sjö til þrettán mínútur. Þetta kemur fram á fréttavef Jyllands-Posten.

Samkvæmt niðurstöðum rannsóknarinnar þurfa kynmök að standa í þrjár mínútur til að fólki finnist athöfnin ekki taka allt of skamman tíma. Standi hún hins vegar lengur en þrettán mínútur finnst flestum athöfnin vera of löng. Greint er frá könnuninni í fagtímaritinu Journal of Sexual Medicine.

Tilgangurinn með könnuninni var m.a. að leiðrétta ýmsan misskilning varðandi það hvernig meginþorri fólks upplifir kynlíf. Segja aðstandendur hennar það mikilvægt til að draga úr óraunhæfum væntingum og sjálfsgagnrýni þeirra sem ekki upplifa kynlíf á þann hátt sem þeir telja sig „eiga” að gera.

Samkvæmt fyrri rannsóknum telja Bandaríkjamenn að fullnægjandi kynmök standi að meðaltali í fimmtán til tuttugu mínútur. „Slíkar væntingar hljóta að ýta undir óánægju og ófullnægju segir Eric Corty, sem stýrði könnuninni sem fram fór við Behrend háskólann Pennsylvaníu.

„Konur eru yfirleitt sáttar við stutt kynmök og hafa engan áhuga á að lengja þau. Næstum allir karlmenn vilja hins vegar gjarnan að þau standi lengur en þau gera í raun og veru,” segir hún.

Fleira áhugavert

Tíundi skólinn bætist við

„Mér var haldið sofandi í níu sólarhringa“

Hversdagslífið getur verið yndislegt

Heimilar Úkraínu að nota langdrægar eldflaugar

Félagsstarf »

Stjörnuspá »

Hrútur

Þú þarft að stinga við fótum og standa fast á þínu máli þótt að þér sé sótt úr öllum áttum. Þú ert ekki viss af hverju viss röð af atburðum átti sér stað og hvernig þú átt að bregðast við.

síðasta vika