Hættulegt líf mæðra í barnabókum

Það vekur eftirtekt  hversu margar mæður í nýjum sænskum barnabókum eru alkóhólistar, veikar á geði, uppteknar af sjálfum sér eða látnar. Í gær gaf sænska barnabókastofnunin út sína árlegu skýrslu og þar kemur fram að mæður í barna- og unglingabókum lifa mjög hættulegu lífi.

Í Dagens Nyheter kemur fram að forstöðumaður stofnunarinnar, Jan Hansson hefur rekið sig á þessa þróun í þessum flokki bóka. Það virðist heldur ekki vera gaman að vera barn. Áður gengu bækur meira út á eigin vandamál barna og unglinga en æ fleiri sænskar barnabækur fjalla um börn sem eiga foreldra sem eiga við mjög stór vandamál að stríða.

Í frétt DN kemur fram að á meðan börnin standa sig þokkalega vel í bókunum í ár og mæðurnar eru vanhæfar þá hafa feður meira og minna horfið.

• 5 blogg um fréttina

Bloggað um fréttina

• Jenný Anna Baldursdóttir: Elvis Karlson og fleiri hetjur
• Ásgrímur Hartmannsson: Drengurinn sem bjó með látinni móður sinni
• Brjánn Guðjónsson: Hættulegt líf
• Ía Jóhannsdóttir: Afturhvarf til gömlu ævintýranna
• Bakkasystur: Athyglisvert