Ekki með krabbamein heldur ólétt

57 ára gömul bresk kona var að vonum frekar kvíðin þegar heimilislæknir hennar sendi hana í rannsókn þar sem hún kynni að vera með krabbamein. Kvíðinn breyttist þó í gleði þegar í ljós kom að konan var með barn undir belti.

Blaðið Daily Mail segir, að Susan Tollefsen og maður hennar hafi lengi reynt að eignast barn en án árangurs. Þess vegna komu þessar fréttir enn meira á óvart en ella.

Tollefsen var svo langt gengin með að barnið verður tekið með keisaraskurði í næstu viku.

Blaðið hefur eftir konunni, að dóttirin, sem á að koma í heiminn bráðlega, sé páskakraftaverk.

• 1 blogg um fréttina

Bloggað um fréttina

• Linda litla: Þvílíkur léttir.