Enn til miðar á Dylan
Setja bókamerki
Bob Dylan mun halda tónleika í nýju Laugardalshöllinni í kvöld og mætir hann stundvíslega á svið klukkan 20. Búast má við að kappinn taki nokkur lög af nýjustu plötu sinni, Modern Times, í bland við gamla slagara. Enn eru miðar fáanlegir á tónleikana en salan hefur tekið góðan kipp þannig að búast má við fullu húsi í kvöld, að sögn Ísleifs Þórhallssonar framkvæmdarstjóra Concert.
Bob Dylan og föruneyti hans kom til lands í gær og gekk allt hratt fyrir sig úti á velli. Með Dylan í för er hljómsveit og tæknifólk, samtals um 25 manns. Tæknifólkið er búið að fara í höllina að kíkja á uppsetninguna og voru þeir mjög sáttir við allt.
Svo virðist sem allur hópurinn og Dylan sjálfur séu bara í góðu stuði „Okkur heyrist á þeim sem eru í kringum hann að hann sé í mjög góðu stuði bara. Hann og allur hópurinn,“ sagði Ísleifur Þórhallsson.
Auglýsingin var villandi
„Óviðunandi eftirlit með börnum“
Samfylking og Viðreisn gáfu loforð
„Börn heima sem maður myndi vilja hafa í skjóli“
Barn lést í árásinni
Víkingar komnir yfir 800 milljónir í greiðslur