Varð bumbult af múskati
Setja bókamerki
Tíu þúsund eintök af sænsku matartímariti voru innkölluð í dag eftir að í ljós komu mistök í uppskrift að eplaköku. Fjórir Svíar fengu múskateitrun eftir að hafa borðað köku, sem bökuð var eftir uppskriftinni.
Ulla Cocke, ritstjóri Matmagasinet, sagði að mistökin hefðu falist í því, að í stað tveggja teskeiða af múskati stóð í uppskriftinni að mala ætti 20 múskathnetur í kökuna.
Fjórmenningarnir, sem veiktust, fengu eitrunareinkenni, þar á meðal svima og höfuðverk en þeir eru á batavegi, að sögn Cocke.
Þegar ritstjórn blaðsins uppgötvaði mistökin voru send út bréf til 50 þúsund áskrifenda. Einnig voru laus blöð sett inn í eintök, sem seld voru í verslunum þar sem fram kemur að of stór skammtur af múskati getur valdið eitrunareinkennum.
„Við héldum að þetta myndi nægja því við töldum að enginn myndi baka eða borða köku eftir þessari uppskrift því svona mikið múskat veldur hræðilegu beisku bragði. Þá er heldur ekki auðvelt að komast yfir svona mikið af þessu kryddi," sagði Cocke.
En þegar fréttist af eitruninni voru þau eintök, sem enn voru óseld í verslunum, innkölluð.
Talið að flugeldum hafi verið skotið á svalirnar
Ekkert lát á árekstrum
Minntust 10 ára drengs sem lést á öðrum degi jóla
„Fólk ætti að komast í nýárssundið sitt“
Myndskeið: Borgarísjaki birtist óvænt við Blönduós
„Við erum sátt“