Dumbledore leikari bætir í barnahópinn

Breski leikarinn Sir Michael Gambon, sem m.a. leikur Albus Dumbledore í Harry Potter myndunum á von á öðru barni með hjákonu sinni Philippa Hart. Fyrir eiga þau sautján mánaða son og er Gambon, sem er 68 ára, sagður hafa áhyggjur af því hvernig eiginkona hans Anne taki fréttunum.

 Gabon, sem er 68, hefur verið kvæntur Anne í 45 ár og dvelur til skiptis á heimili þeirra í Kent og heimili hans og Philippu í London. „Michael og Philippa eru yfir sig ánægð yfir því að eiga von á öðru barni en hann hefur einnig áhyggju af því hvernig eiginkona hans bregst við,” segir ónefndur vinur hjónanna. „Hann segir að það muni valda honum vandræðum fréttist þetta en einkalíf hans er svo flókið að hann getur varla ætlast til að það gangi þrautalaust fyrir sig.” 

Haft er eftir öðrum vini Gabons í breska blaðinu The Sun: „Philippa vildi að litli Michael eignaðist systur eða bróður því það er líklegt að Michael verði ekki til staðar þegar hann kemst á unglingsár. Sir Michael er ánægður en hann hefur fleiri áhyggjuhrukkur frá því hann sagði konu sinni frá þessu. Gambon og Anne eiga rúmlega fertugan son.  

• Blogga um frétt