Brjóstin vekja athygli

Brjóst bandarísku leikkonunnar Miley Cyrus eru mikið til umræðu í bandarísku slúðurpressunni um þessar mundir.

Forsaga málsins er sú að hin 16 ára gamla Cyrus fór nýverið út að skokka með kærastanum sínum, hinum 21 árs gamla Justin Gaston sem vinnur fyrir sér sem undirfatafyrirsæta. Ljósmyndarar, sem fylgja leikkonunni eftir hvert fótmál, voru að sjálfsögðu ekki langt undan og náðu myndum af parinu.

Í kjölfarið hefur leikkonan verið gagnrýnd fyrir að gera brjóst sín alltof áberandi með því að vera í afar litlum toppi, en slíkt þykir ekki sæma svo ungri stúlku. Cyrus hefur hins vegar svarað fullum hálsi og sagt að klæðaburður hennar komi engum við. Ástæða þess hversu léttklædd hún var hafi verið sú hversu heitt var í veðri þennan dag.