Næturvaktin til Hollywood

Verið er að undirbúa að endurgera íslensku gamanþættina Næturvaktina í Hollywood fyrir bandarískt sjónvarp. Fyrirtækið Reveille Productions, sem m.a. stendur á bakvið bandarísku útgáfurnar af þáttunum The Office og Ljótu Betty, hefur keypt réttinn til að þróa Næturvaktina fyrir bandarískan markað.

Reutersfréttastofan segir frá þessu í dag. Haft er eftir  Howard Owens, framkvæmdastjóra Reveille, að fyrirtækið vilji gjarnan fást við nýja vinnustaðargamanþætti í kjölfar velgengni The Office.  „Þættirnir hafa sniðugt og kaldhæðið sjónarhorn sem við teljum að Bandaríkjamönnum muni líka vel."

• 2 blogg um fréttina

Bloggað um fréttina

• Hörður Halldórsson: Georg Bjarnfreðarson afþýddur.
• Jóhann Frímann Traustason: vá þetta virkar