500 á sjúkrahús vegna kexáts

Ætla má að 25 milljónir hafi skaðað sig á kexáti, að því er niðurstöður nýrrar breskrar rannsóknar sýna. Af þeim hafa að minnsta kosti 500 þurft að fara á sjúkrahús vegna afleiðinga kexátsins.

Hættulegasta kexið þykir Custard Cream en Jaffa kexið er öruggast. Næstum þriðjungur þeirra sem þátt tóku í könnuninni hefur brennt sig af því að dýfa kexi í heitan drykk. Kex hefur staðið í næstum 30 prósentum og tíundi hver hefur skemmt tönn af því að borða kex.

Þrjú prósent greina frá því að þeir hafi óvart rekið kex í augað á sér en sjö prósent hafa verið bitin af gæludýri sínu, eða villtu dýri, við tilraun til þess að ná kexi af því.

• 4 blogg um fréttina

Bloggað um fréttina

• Eygló: Kexruglaðir Bretar
• Sigurður Jónsson: Kex hættulegt. Nýr tekjustofn fyrir Vinstri stjórnina?
• Sigurbjörg Sigurðardóttir: skelfilegt.
• Sigtryggur Baldursson: kex i báðum eyrum...