Mannát í Háskóla Íslands

Endurmenntun Háskóla Íslands heldur reglulega fræðandi og skemmtileg námskeið fyrir áhugasama og hvetur þannig fólk til að kynna sér efni sem að öðrum kosti myndi ekki ná athygli þess. 

Í október og nóvember verður forvitnilegt námskeið um mannát, titlað Mannát og menning, en í því ætlar Dr. Dagrún Ósk Jónsdóttir, þjóðfræðingur, að fræða fólk um ólíkar birtingarmyndir mannáts, bæði í fortíðinni og samtímanum. 

Síðustu daga hefur Endurmenntun auglýst námskeiðið á öllum helstu samfélagsmiðlasíðum og hafa glöggir lesendur tekið eftir sniðugri setningu í upphafi námslýsingarinnar, en þar er sérstaklega tekið fram að ekki sé um ræða matreiðslunámskeið. Í textanum kemur einnig fram að námsefnið verði matreitt á lifandi og skemmtilegan hátt. 

Það er því ljóst að húmorinn er í hávegum hafður í Háskóla Íslands.

Vonandi eru ekki margir sem telja námskeiðið vera matreiðslunámskeið. Skjáskot/Háskóli Íslands

• Blogga um frétt