Aldís Amah með hlutverk í Hallmark-jólamynd
Setja bókamerki
Aldís Amah Hamilton fer með hlutverk í nýrri jólamynd sem frumsýnd verður þann 1. desember á Hallmark-sjónvarpsstöðinni.
Kvikmyndin heitir The Christmas Quest og er Aldís Amah þar í góðum félagsskap þekktra leikara. Má þar nefna Lacey Chabert, sem fer með aðalhlutverkið, og Kristoffer Polaha. Fjöldi þekktra íslenskra leikara fer einnig með aukahlutverk í kvikmyndinni.
Aldís Amah hefur gert það gott í leiklistinni undanfarin ár og sló meðal annars í gegn í spennuþáttaröðinni Svörtu söndum.
Chabert er áhorfendum að góðu kunn úr þáttunum Party of Five og kvikmyndinni Mean Girls.
The Christmas Quest var öll tekin upp á Íslandi fyrr á þessu ári. Tekið var upp við Háafoss, á Skólavörðustíg og í Perlunni.
Kvikmyndin fjallar um fornleifafræðing sem kemur til Íslands yfir jólahátíðina ásamt fyrrverandi eiginmanni sínum í leit að földum fjársjóði.
Segir 2025 skera úr um hver vinnur stríðið
Skrítið að enn er bara eitt úrræði í boði
Brunagaddur inn til landsins
Skortur á bílastæðum fælir frá
Elta kínverskt skip vegna rofs á sæstrengjum
Töluvert stór borgarísjaki á reki
Nauðsynlegt að áfrýja dómnum