Pamela Anderson tilnefnd til Golden Globe
Setja bókamerki
Tengdar fréttir
Poppkúltúr
/frimg/1/53/76/1537647.jpg)
Kvikmyndin Emilia Pérez fékk flestar tilnefningar til Golden Globe-verðlaunanna, eða tíu talsins. Greint var frá tilnefningunum í dag og er myndin m.a. tilnefnd sem besta myndin í flokki gamanmynda og söngleikja. Selena Gomez er tilnefnd fyrir leik sinn í kvikmyndinni.
Fast á hæla Emiliu Pérez fylgir kvikmyndin The Brutalist með sjö tilnefningar. Myndin er ásamt A Complete Unknown, Conclave, Dune: Part II, Nickel Boys og September 5 tilnefnd sem mynd ársins í flokki dramamynda.
The Bear, Only Murders in the Building og Shogun fengu flestar tilnefningar í flokki sjónvarpsþátta.
Verðlaunin verða afhent þann 6. janúar næstkomandi og mun uppistandarinn Nikki Glaser vera kynnir kvöldsins.
Aðalhlutverk í flokki drama
Leikararnir Adrien Brody, Timothée Chalamet, Daniel Craig, Ralph Fiennes og Sebastian Stan hlutu tilnefningar sem bestu leikararnir í aðalhlutverki í flokki drama.
Leikkonurnar Pamela Anderson, Angelina Jolie, Nicole Kidman, Tilda Swinton, Fernanda Torres og Kate Winslet hlutu tilnefningar sem bestu leikkonurnar í aðalhlutverki í flokki drama.
Aðalhlutverk í flokki gamanmynda og söngleikja
Leikararnir Jesse Eisenberg, Hugh Grant, Grabiel Labelle, Glen Powell og Sebastian Stan hlutu tilnefningar sem bestu leikararnir í aðalhlutverki í flokki gamanmynda og söngleikja.
Leikkonurnar Amy Adams, Cynthia Erivo, Karla Sofía Gascón, Mikey Madison, Demi Moore og Zendaya hlutu tilnefningar sem bestu leikkonurnar í aðalhlutverki í flokki gamanmynda og söngleikja.
Hér má sjá lista yfir tilnefningar
Tengdar fréttir
Poppkúltúr
/frimg/1/53/82/1538213.jpg)
„Hálendið eiga menn að skoða“
38 létust í flugslysi
Björgunarsveitir kallaðar út í nótt
KEF Spa: „Eitthvað sem þú hefur ekki séð áður“
Segir umsókn að ESB vera óvirka
Éljagangur en síðan slydda eða rigning
Var að slitna frá bryggju sökum hvassviðris
Ofmeta sparnað í stjórnarráðinu