Gascón skráði nafn sitt á spjöld sögubókanna
Setja bókamerki
Spænsk-mexíkóska leikkonan Karla Sofía Gascón skráði nafn sitt á spjöld sögubókanna í dag þegar hún hreppti tilnefningu til Óskarsverðlaunanna fyrir leik sinn í kvikmyndinni Emiliu Pérez.
Kvikmyndin sem er í leikstjórn Jacques Audiard hlaut flestar tilnefningar eða samtals 13 talsins.
Gascón er fyrsta trans manneskjan til að hljóta tilnefningu til Óskarsverðlaunanna í 96 ára sögu hátíðarinnar. Hún er tilnefnd í flokknum besta leikkonan í aðalhlutverki ásamt þeim Cynthiu Erivo, Mikey Madison, Demi Moore og Fernöndu Torres.
Gascón, sem er 52 ára, kom út úr skápnum sem trans árið 2016 og gekkst undir kynleiðréttingu tveimur árum seinna.
Emilia Pérez hefur vakið mikla athygli og var meðal annars valin besta myndin í flokki gaman- og söngleikjamynda á Golden Globe-verðlaunahátíðinni fyrr í mánuðinum. Gascón flutti tilfinningaþrungna ræðu til stuðnings trans fólki á hátíðinni.
Kennarar hafi ekki svarað foreldrum
„Breytir ekki okkar viðbúnaði“
„Kemur okkur í opna skjöldu“
Þúsundir flýja heimili sín á ný
Stefnan foreldrum „til skammar og minnkunar“
Þórdís ætlar ekki að bjóða sig fram
Segir málinu laumað í gegnum kerfið
Halla klár í slaginn