Bjóða reiðhjól og strætómiða í skiptum fyrir bensínháka

Kanadísk stjórnvöld ætla að bjóða eigendum gamalla og bensínfrekra bíla reiðhjól og strætómiða ef þeir fallast á að farga bílunum. Af þeim 18 milljónum bíla sem eru í umferð í Kanada eru um fimm milljónir frá því fyrir 1996, en það ár voru reglur um útblástur hertar.

Bílar sem framleiddir voru fyrir þann tíma menga um 19 falt meira en nýrri árgerðir, segir í tilkynningu frá stjórnvöldum í gær.

Ríkisstjórn Íhaldsflokksins í Kanada hefur verið harðlega gagnrýnd fyrir að hafa í raun og veru snúið baki við Kyoto-bókuninni um loftslagsbreytingar, og er nú í mun að sýna lit í umhverfisvernd.

• 2 blogg um fréttina

Bloggað um fréttina

• Dofri Hermannsson: Góð tilfinning
• Morten Lange: Góð hugmynd handa fjármálaráðuneyti