Gleymdi 1 árs dóttur sinni í bíl

Eins árs gömul stúlka lést eftir að faðir hennar gleymdi henni í bíl sínum í Lyngby í Danmörku í dag. Stúlkan sat í bílnum allan daginn og er talið að hún hafi látist af völdum hita.

Lögregla á Sjálandi segir, að faðir stúlkunnar, sem er 29 ára, hafi ætlað að fara með hana á dagheimili en gleymt henni í bílnum. Þegar móðir stúlkunnar kom síðdegis að sækja hana á dagheimilið greip hún í tómt.  Hún hringdi í föðurinn sem gerði sér grein fyrir því hvað hefði gerst. Stúlkan var hins vegar látin þegar faðirinn gætti að henni í bílnum. Þá var klukkan 15:30 að dönskum tíma.

Hitinn í Lyngby var 20-26 gráður yfir hádaginn í dag. 

Lögregla hefur yfirheyrt föðurinn en segir að hann sé niðurbrotinn.

Svipað gerðist í belgíska bænum Haasrode fyrir viku. Þá kom móðir 11 mánaða gamals barns að því látnu í bíl föður barnsins. 

• 4 blogg um fréttina

Bloggað um fréttina

• Birgit Raschhofer: Gleymdi barni sínu í bíl og það dó!
• Guðný Lára: sorg....
• Eva Dögg Ísfeld Hjaltadóttir: Að gleyma barni í bíl.
• Jóna Á. Gísladóttir: Ekki hægt að ímynda sér