Innanríkisráðuneyti Kenía segir að að minnsta kosti 45 manns hafi látist og tuga sé saknað eftir að stífla brast í kjölfar mikillar rigningar.
Atvikið átti sér stað í vesturhluta Kenía snemma í morgun. Fjölmargra er saknað.
Rauði krossinn í Kenía segir að 109 manns hafi verið fluttir á sjúkrahús og að 49 sé saknað.
Mikil úrkoma hefur gengið yfir Kenía síðan um miðjan mars og hafa nærri 100 manns farist í flóðum. Veðurstofan þar í landi hefur varað við meiri úrkomu.