Michael Gove, einn helsti framámaður breska Íhaldsflokksins, líkti meintu veðmálabraski innan flokksins við „Partygate“-hneykslið svokallaða.

Laura Saunder og Craig Williams, frambjóðendur Íhaldsflokksins, og lífvörður Rishi Sunaks, forsætisráðherra Bretlands, eru meðal þeirra sem hafa verið sökuð um að veðja á tímasetninu þingkosninganna í Bretlandi.

„Það lítur út fyrir að eina regla gildi fyrir þau og önnur fyrir okkur. Það er líklega mesti skaðvaldurinn,“ sagði Gove í viðtali við Times.

„Það olli skaða á þeim tíma sem „Partygate“-hneykslið kom upp og veldur skaða núna,“ bætti Gove við.

Gove hyggst ekki gefa kost á sér í þingkosningunum en þær verða haldnar 4. júlí.

Frétt af mbl.is

Veðmálabrask lífvarðar Sunak til rannsóknar

Baðst afsökunar á myndskeiði

Ítrekuð veisluhöld breskra ráðamanna á tímum strangra samkomutakmarkana í Bretlandi ollu miklum usla á sínum tíma. Varð málið Boris Johnson, þáverandi forsætisráðherra, að falli.

Birtist meðal annars myndskeið í fjölmiðlum sem sýndi veisluhöld Íhaldsflokksins rétt fyrir jólin árið 2020. Gove baðst í kjölfarið afsökunar á myndskeiðinu. Þar sáust starfsmenn og þingmenn dansa og drekka á meðan að þau töluðu um að beygja reglurnar.

Frétt af mbl.is

Myndskeið af „partygate“ veldur hneyksli

Tengdar fréttir

Boris Johnson segir af sér

Boris átti erfitt með að meðtaka vísindaleg gögn

• Villti um fyrir þinginu í Partygate-máli
• Johnson þarf að svara fyrir „Partygate“
• Sjálfsævisaga sem verður „engri annarri lík“
• Truss tekin við eftir fund með drottningunni

» Fleiri tengdar fréttir

• Blogga um frétt