Lögreglan í Noregi hefur handtekið mann vegna gruns um að hann hafi reynt að njósna í þágu Kína. Maðurinn er með norskan ríkisborgararétt.
Norski fréttamiðillinn VG greinir frá.
Maðurinn verður leiddur fyrir dómara í Ósló, höfuðborg Noregs, í dag en lögreglan krefst gæsluvarðhalds yfir manninum.
Verjandi mannsins, Marius Dietrichson, segir hann saklausan.
Haldinn verður blaðamannafundur síðar í dag. Vænta má frekari upplýsinga um málið eftir hann.