Fjórir eru látnir og yfir 20 særðir eftir dróna- og flugskeytaárás Rússa á úkraínsku borgina Dnípró í morgun, að sögn embættismanna.

Síðan Rússar réðust inn í Úkraínu fyrir rúmum tveimur árum hafa hersveitir þeirra ráðist ítrekað á þessa iðnaðarborg og á nærliggjandi svæði.

„Fjórir voru drepnir í árás Rússa á Dnípró í morgun. 27 særðust. Ellefu þeirra hafa verið fluttir á sjúkrahús. Ástand tveggja er alvarlegt," sagði héraðsstjórinn Sergí Lisak á samfélagsmiðli.

Frétt af mbl.is

Fjórtán ára stúlka á meðal hinna látnu

Drónar og flugskeyti skotin niður

Úkraínski loftherinn sagði að loftvarnakerfi þeirra hefði skotið niður sex dróna og fimm af sjö flugskeytum, sem aðallega var beint að Dnípró. 

Embættismaður í Dnípró birti ljósmyndir af ónýtum byggingum og sagði árásina hafa verið gríðarmikla.

Fyrir stríðið bjó um ein milljón manna í borginni, sem er í um 100 kílómetra fjarlægð frá víglínunni í suðri.

Tengdar fréttir

Úkraína

Fjórtán ára stúlka á meðal hinna látnu

• Vopnahlé myndi flýta fyrir viðræðum
• Orban á leið til Úkraínu
• Sjö létu lífið eftir árás Rússa
• 10 almennum borgurum sleppt úr haldi

» Fleiri tengdar fréttir

• Blogga um frétt