Tala látinna eftir eldflaugaárás Rússa á nokkrar borgir í Úkraínu í morgun er komin upp í 24 en Rússar skutu um 40 eldflaugum að sögn Volodimír Selenskí, forseta Úkraínu.

Okhmatdyt barnaspítalinn í Kænugarði varð illa úti eftir eldflaugaárás Rússa og hafa tugir sjálfboðaliða, læknar og björgunarsveitamenn tekið þátt í leit að fórnarlömbum sprengjuárásarinnar í rústunum en talið er að margir séu fastir undir þeim.

Frétt af mbl.is

Minnst 20 látnir eftir árásir Rússa á borgir í Úkraínu

Í Kænugarði hafa minnst 17 látist og 33 hafa særst og að sögn Vitaly Klitschko borgarstjóra er þetta ein versta árás á höfuðborgina frá því stríðið braust út.

Selenskí Úkraínuforseti er staddur í Varsjá í Póllandi á leiðtogafundi NATO þar sem búist er við því að fari fram á aukinn hernaðarstuðning frá bandamönnum Úkraínu.

Í heimabæ Selenskís, Kryvyi Rig, hafa að minnsta kosti 10 látið lífið og meira 40 hafa særst að sögn embættismanna þar. Í Dnipro, þar sem búa ein milljón manna, lést einn maður og sex særðust eftir að sprengjur hæfðu háhýsi og bensínstöð.

Tengdar fréttir

Úkraína

Minnst 20 látnir eftir árásir Rússa á borgir í Úkraínu

• Orban í óvæntri heimsókn til Pútíns
• „Stríð eru alltaf óréttlát“
• Tekur ummæli Trumps um stríðslok alvarlega
• „Áfall fyrir bæjarfélagið“

» Fleiri tengdar fréttir

Rússland

Orban í óvæntri heimsókn til Pútíns

• Tekur ummæli Trumps um stríðslok alvarlega
• Verja fjölskylduna vopnaðir hríðskotabyssum
• Fjórtán ára stúlka á meðal hinna látnu
• Orban á leið til Úkraínu

» Fleiri tengdar fréttir

• Blogga um frétt