Nancy Faeser, innanríkisráðherra Þýskalands, tilkynnti áform stjórnvalda um að herða eftirlit með hnífaburði og takmarka stuðning stjórnvalda við ólöglega innflytjendur.
Áformin koma í kjölfar þess að sýrlenskur karlmaður játaði að hafa framið hnífaárás í borginni Solingen í Þýskalandi á föstudag þar sem þrír létust og átta særðust.
Árásin hefur ýtt undir umræðuna um innflytjendamál í Þýskalandi og hefur almenningur kallað eftir harðari viðbrögðum hjá stjórnvöldum.
Þá verður bannað að bera hnífa á hátíðum, langferðalestum, íþróttaviðburðum og öðrum álíka opinberum viðburðum.
Faeser tilkynnti einnig að Þýskaland muni neita bótagreiðslum til farandfólks sem fyrirhugað er að vísa til annarra landa í Evrópusambandinu.