Segir drápið leiða til „tortímingar“ Ísraels
Setja bókamerki
Mohammad Reza Aref, fyrsti varaforseti Írans, segir að drápið á Hassan Nasrallah, foringja Hisbollah-hryðjuverkasamtakanna, muni leiða til „tortímingar“ Ísraels.
„Við vörum leiðtoga hernámsstjórnarinnar við því að óréttlátu blóðsúthellingarnar, sérstaklega á píslarvottinum Seyyed Hassan Nasrallah, aðalritara Hisbollah, muni leiða til tortímingar þeirra,“ er haft eftir Reza Aref í íranska fréttamiðlinum ISNA.
Hassan Nasrallah var drepinn í árás Ísraelshers á höfuðstöðvar samtakanna í Beirút í gærkvöldi.
Sungu „dauði til Ísraels“
Hisbollah eru ein þungvopnuðustu hryðjuverkasamtök í heimi þökk sé klerkastjórninni í Íran sem fjármagnar þau og styður með vopnum.
Reza Aref sagði enn fremur að klerkastjórnin myndi áfram styðja við íslömsku andspyrnuna í Mið-Austurlöndum.
Svarti sorgarfáninn var dreginn að húni við Imam Reza-bygginguna í borginni Mashhad að sögn ríkisútvarpsins þar í landi.
Syrgjendur söfnuðust saman, veifuðu gulum fánum Hisbollah og sungu: „Dauði til Ísraels“ [e. Death to Israel] eins og myndskeið ríkissjónvarpsins sýndi.
Fór með hníf til Tenerife
Netanjahú um SÞ: Fyrirlitlegur farsi
Hver var Hassan Nasrallah?
Vissi ekkert hvað hún var að gera
Lægð nálgast úr suðri
Lilja: Rúv þarf að fara í brýnar aðhaldsaðgerðir
Hisbollah staðfesta dauða leiðtogans
Spursmál: Spangólandi ráðherrar og ósvífinn stjórnandi