Segjast hafa skotið á hermenn í Ísrael
Setja bókamerki
Hisbollah-samtökin segjast hafa skotið á Ísraelsher í ísraelska landamærabænum Metula í morgun.
Fram kemur í tilkynningu samtakanna að flugskeytum hafi verið skotið þangað. 25 mínútum fyrr hófu þeir stórskotahríð á sama svæði.
Að sögn Ísraelshers voru flugskeytin um fimm til talsins og náðist að skjóta niður einhver þeirra. Einhver „brotlentu“ á meðan önnur „féllu á opin svæði“, að því er BBC greindi frá.
Ísraelsher lýsti því yfir í gær að svæðin í kringum Metula, Misvag Am og Kfar Giladi í norðurhluta Ísraels væru „lokuð hernaðarsvæði“ og var fólki meinaður aðgangur þangað.
Ísrael sendi herlið inn í Líbanon seint í gærkvöldi. Herinn sagði aðgerðirnar beinast að ákveðnum skotmörkum, þorpum í suðurhluta landsins, nálægt landamærunum.
95 drepnir í gær
Um 95 manns voru drepnir og 172 særðust í loftárásum Ísraela víðsvegar um Líbanon í gær, að sögn heilbrigðisráðuneytis Líbanons.
Embættismenn segja að yfir 1.000 manns hafi verið drepnir í landinu á síðustu tveimur vikum. Hugsanlegt er að hátt í ein milljón hafi þurft að yfirgefa heimili sín.
Dæmi um skóla með nær 90% starfsfólks frá útlöndum
Leiðtogi Hamas í Líbanon drepinn
Glansaði á doktorsvörn eftir 11 ára vinnu
/frimg/1/39/92/1399244.jpg)
Stærsti skjálfti ársins í Mýrdalsjökli
Segjast hafa skotið á hermenn í Ísrael
„Nú er kominn hiti í mannskapinn“
Kona á fertugsaldri lést á Sæbraut
Ísrael sendir herlið inn í Líbanon