Sírenur óma í Ísrael
Setja bókamerki
Sírenur sem vara við yfirvofandi loftárás óma um Ísrael þessa stundina. Fulltrúar ísraelska hersins segja þær hljóma um mitt landið en tilgreindu ekki frekar staðsetningu þeirra.
Yoav Gallant varnarmálaráðherra Ísraels er í viðræðum um yfirvofandi ógn frá Íran við Lloyd Austin varnrmálaráðherra Bandaríkjanna.
Starfsmaður Hvíta hússins og nafnlaus heimildarmaður AFP-fréttastofunnar sagði yfirvöld í Íran undirbúa loftárás á Ísrael fyrr í dag.
Ísrael hóf árás landgönguliða inn fyrir landamæri suðurhluta Líbanons í gærkvöldi. Ísraelski herinn hvatti íbúa á svæðum tengdum Hisbollah-samtökunum til að yfirgefa svæðið.
Hisbollah-samtökin sögðust hafa skotið á Ísraelsher í ísraelska landamærabænum Metula í morgun.
Ísraelsher hefur haldið úti loftárásum á skotmörk í Líbanon síðustu vikur. Loftárásirnar beinast að samtökunum en talið er að um 1.000 manns hafi verið drepnir í landinu á síðustu tveimur vikum og hugsanlega hátt í milljón þurft að yfirgefa heimili sín.
Árás Írans virðist yfirstaðin
Segjast hafa skotið á hermenn í Ísrael
Segir fullnægjandi áhættumat hafa skort
„Ekki gengið eins greiðlega og ég hefði viljað sjá“
Íran hefur loftárás og skotárás í Tel Avív
Sér ekkert að því að atkvæðamagn hafi breyst eftir á
Svandís: Kom þægilega á óvart