Þrír Svíar handteknir í tengslum við sprengingar

Lögreglan í Kaupmannahöfn handtók í dag þrjá sænska ríkisborgara á aldrinum 15-20 ára en þeir eru grunaðir um að vera valdir af sprengingum sem urðu skammt frá ísraelska sendiráðinu í Kaupmannahöfn í nótt.

Jens Jespersen, hjá lögreglunni í Kaupmannahöfn, segir að samkvæmt bráðabirðamati hafi verið um tvær handsprengjur að ræða.

Frétt af mbl.is

Sprengingar nálægt sendiráði Ísraels í Danmörku

Hann segir að einn grunaður hafi verið handtekinn skömmu eftir atvikið, nálægt vettvangi glæpsins, og að hinir tveir hefðu verið handteknir síðar.

Lögreglumenn á vettvangi skammt frá ísraelska sendiráðinu í Kaupmannahöfn. AFP

„Það er of snemmt að segja til um hvort það séu tengsl á milli sprenginganna og ísraelska sendiráðsins,“ segir Jakob Hansen, talsmaður dönsku lögreglunnar.

Í gærkvöld var gerð skotárás skammt frá sendiráði Ísraels í Stokkhólmi. Enginn særðist né heldur en í sprengjuárásinni í Kaupmannahöfn.

Frétt af mbl.is

Svíar rannsaka skotárás nálægt sendiráði Ísraels

Lögregluyfirvöld í Danmörku og Svíþjóð vinna að rannsókn sprengingarinnar í Kaupmannahöfn og skotárásinni í Stokkhólmi nálægt ísraelsku sendiráðum í höfuðborgunum en spenna hefur magnast í Miðausturlöndum eftir árás Írana á Ísrael.

• Blogga um frétt