Úkraínumenn segja hersveitir sínar hafa hæft olíubirgðastöð á Krímskaga í nótt. Árásin er sú nýjasta af hálfu Úkraínumanna á orkuinnviði sem eru undir stjórn Rússa.

Tilgangurinn með árásunum er að gera Rússum skráveifu þegar kemur að tekjuöflun þeirra vegna stríðsins gegn Úkraínu.

Árásin í nótt var gerð á Feodosa á Krímskaga, sem Rússar innlimuðu árið 2014.

Yfirvöld í Rússlandi segja að eldur hafi brotist út á olíubirgðastöð í hafnarbænum við Svartahaf þar sem um 70 þúsund manns búa. Enginn féll í árásinni.

Úkraínumenn segja árásirnar á rússnesku orkuinnviðina sanngjarna hefnd vegna árása Rússa á úkraínska orkuinnviði sem hafa orðið til þess að rafmagn hefur farið af á heimilum milljóna manna.

Tengdar fréttir

Úkraína

Rússneskur aðgerðasinni drepinn í víglínunni

• Rússar verja milljörðum til að efla herinn
• Danir styðja vopnaframleiðslu um 27 milljarða
• Sex létust í árás á sjúkrahús
• Gagnrýna kjarnorkuhótarnir Pútíns harðlega

» Fleiri tengdar fréttir

• Blogga um frétt