Benjamín Netanjahú, forsætisráðherra Ísraels, hvatti íbúa Líbanon að leysa land sitt úr ánauð Hisbollah-samtakanna ella sé hætt við að átökin fari á sama veg og á Gasa.

„Þið hafið tækifæri til þess að bjarga Líbanon áður en það fellur í hyldýpi styrjaldar, eyðileggingar og þjáningar, sem henni fylgir, eins og við sjáum á Gasa,“ sagði hann og enn fremur: 

„Ég hvet ykkur, íbúa Líbanon: Frelsið land ykkar úr ánauð Hisbollah svo stríðið taki enda.“

Fyrr í dag kölluðu mannréttindafulltrúar Sameinuðu þjóðanna eftir tafarlausum aðgerðum til að stöðva stigmagnandi styrjöld í Líbanon áður en hún fer að líkjast eyðileggingunni á Gasa. 

Frétt af mbl.is

Óttast að Ísraelar fari eins með Líbanon og Gasa

Sennilegur leiðtogi Hisbollah felldur

Netanjahú sagði Ísraelsher hafa fellt þúsundir hryðjuverkamanna í loftárásum á suðurhluta Líbanon.

Þá sagði hann að búið væri að fella fyrrverandi leiðtoga Hisbollah, Hassan Nasrallah, eftirmann hans og eftirmann eftirmanns hans.

Á laugardaginn greindi háttsettur heimildarmaður innan Hisbollah-samtakanna frá því að búið væri að fella sennilegan arftaka Nasrallah, Hashem Safieddine.

Ísraelsher heldur úti nær stöðugum loftárásum á úthverfi í suðurhluta höfuðborgar Líbanon, Beirút.

Yoav Gallant, varnarmálaráðherra Ísraels, sagði fyrr í dag að búið væri að brjóta niður samtökin og að þau hefðu orðið illa úti.

Tengdar fréttir

Ísrael/Palestína

Gerðu árásir á skóla og flóttamannabúðir

• Ekki verið nær vopnahléi í rúmlega ár
• Glyttir í vopnahlé: 30 gíslar yrðu frelsaðir
• Á þriðja tug manna lést eftir árás Ísraelsmanna
• Að minnsta kosti 22 sagðir drepnir í loftárásum

» Fleiri tengdar fréttir

• Blogga um frétt