Volodimír Selenskí, forseti Úkraínu, átti fund með Frans páfa í Vatíkaninu í dag þar sem hann leitaði aðstoðar páfans við að tryggja endurkomu fullorðinna og barna sem Rússar hafa tekið til fanga í stríðinu.

Selenskí segir á samfélagsmiðlinum X að aðaláherslan á fundi hans með páfa hafi snúist um að koma úkraínsku fólki sem er í haldi Rússa aftur heim.

Selenski segir að blaðamenn, opinberar persónur, samfélagsleiðtogar og venjulegt fólk, sem Rússar hafa handtekið, dvelji í rússneskum fangelsum og í sérstökum búðum.

Þetta var annar einkafundur Selenskí með Frans páfa frá því Rússar réðust inn í Úkraínu í febrúar 2022.

Páfinn hefur ítrekað hvatt til friðar og hefur reynt að gegna miðlunarhlutverki í átökunum, þótt tilraunir hans hafi enn ekki skilað neinum árangri.

Tengdar fréttir

Úkraína

Gerðu drónaárás á bækistöðvar flughersins

• Rússneskur aðgerðasinni drepinn í víglínunni
• Skutu á olíubirgðastöð á Krímskaga
• Rússar verja milljörðum til að efla herinn
• Danir styðja vopnaframleiðslu um 27 milljarða

» Fleiri tengdar fréttir

Rússland

Rússar verja milljörðum til að efla herinn

• Bandarískur eftirlaunaþegi ákærður í Moskvu
• Gagnrýna kjarnorkuhótarnir Pútíns harðlega
• Selenskí: Pútín hyggst ráðast á kjarnorkuver
• 5.300 milljarða lán til Úkraínu

» Fleiri tengdar fréttir

• Blogga um frétt