Sjö létust er landgangur féll saman á hátíð á eyju í Georgíuríki í gær.
Að minnsta kosti 20 manns köstuðust úti í sjó við Sapelo–eyju er gangurinn féll saman. Óvíst er hversu margir eru slasaðir.
Fólk var saman komið til þess að fagna Gullah-Geechee samfélaginu, það eru afkomendur Afríkubúa sem voru í þrældómi á plantekrum Suðurríkjanna.
Rannsókn er hafin á slysinu. Ekki er vitað af hverju landgangurinn féll saman.
Kamala Harris, varaforseti og forsetaframbjóðandi, sendi frá sér yfirlýsingu vegna slyssins þar sem hún sagði að þrátt fyrir þessa hörmung yrði Gullah-Geechee samfélaginu áfram fagnað.
Brian Kemp, ríkisstjóri Georgíu, sagðist vera harmi sleginn vegna slyssins.