Tyrkneskar hersveitir hafa ráðist á staði tengda kúrdíska verkalýðsflokknum (PKK) í kjölfar sprengjuárásar sem átti sér stað fyrir utan fyrirtæki í flugvéla- og varnarmálaiðnaði nálægt Ankara, höfuðborg Tyrklands, í dag. Árásinni hefur verið lýst sem hryðjuverki.

Tyrknesk stjórnvöld segja PKK bera ábyrgð á árásinni en þau hafa ekki gengist við henni.  

„Loftárás var gerð gegn hryðjuverkamönnunum í norðurhluta Íraks og Sýrlands og tókst að drepa 32 hryðjuverkamenn,“ sagði í yfirlýsingu varnarmálaráðuneytis Tyrkjalands. 

PKK eru skilgreind sem hryðjuverkasamtök af tyrkneskum stjórnvöldum og Evrópusambandinu.

Frétt af mbl.is

Nokkrir látnir eftir hryðjuverk í Tyrklandi

Fimm látnir og 22 særðir

Fimm létust í árásinni við Ankara og 22 særðust. Varaforseti Tyrklands, Cevdet Yilmaz, sagði að fjórir þeirra látnu væru starfsmenn fyrirtækisins og sá fimmti leigubílstjóri. 

Sjö af þeim 22 sem særðust í árásinni eru sérsveitarmenn. 

Á myndbandsupptökum má sjá tvo skjóta byssum að inngangi fyrirtækisins. Iðnaðarráðherra Tyrklands sagði að tveir árásarmannanna, einn karl og ein kona, hefðu verið drepin.

Tengdar fréttir

Tyrkland

Múslimaklerkurinn Gulen er látinn

• Tyrkir vilji hleypa nýju pólitísku andrúmslofti inn
• Átök í Tyrklandi á kjördag
• Erdogan ýjar að starfslokum sínum
• Myndskeið: Erdogan syngur fyrir aðdáendur

» Fleiri tengdar fréttir

• Blogga um frétt