Abdel Fattah al-Sisi, forseti Egyptalands, lagði í gærkvöld til tveggja daga vopnahlé á Gasa og takmörkuð gíslaskipti með það að markmiði að tryggja algjört vopnahlé eftir meira en eins árs stríð milli Ísraels og Hamas.

Tillagan felur í sér að skipta fjórum ísraelskum gíslum sem eru í haldi á Gasa fyrir palestínska fanga í ísraelskum fangelsum, og í kjölfarið yrðu fleiri samningaviðræður innan tíu daga sagði Sisi á blaðamannafundi í Kaíró.

Hann sagði ekki hvort áætlunin hefði verið formlega kynnt, hvorki Ísraelsmönnum né Hamas-liðum. Öryggisráð Sameinuðu þjóðanna mun hittast á fundi í dag að beiðni Írana en þeir óska eftir því að öryggisráðið fordæmi árásir Ísraelsmanna á Íran á laugardaginn.

Á sjötta tug voru drepnir í árásum Ísraelshers á Gasa í gær samkvæmt upplýsingum heilbrigðisyfirvalda á Gasa.

Tengdar fréttir

Ísrael/Palestína

75 milljarðar í „Járngeislann“

• Íran tilbúið að svara árásum Ísraels
• Guterres í áfalli yfir ástandinu
• Ísraelar herja á Líbanon og Gasasvæðið
• Segja fjóra hermenn hafa látist í árásum Ísraels

» Fleiri tengdar fréttir

• Blogga um frétt