Lopez: „Ekki bara íbúar Púertó Ríkó sem móðguðust“
Setja bókamerki
Söngkonan Jennifer Lopez flutti ræðu á kosningafundi Kamölu Harris, forsetaframbjóðanda demókrata, í borginni Las Vegas þar sem hún fordæmdi ummæli stuðningsmanns Donalds Trumps um að Púertó Ríkó væri „fljótandi rusleyja á hafi úti“.
„Það voru ekki bara íbúar Púertó Ríkó sem móðguðust þennan dag. Það var allt fólk af rómönskum uppruna í þessu landi,” sagði Lopez.
Í ræðu sinni sagðist hún vera stödd á mikilvægasta sviðinu á ferli sínum og bætti við að hún trúði á „kraft fólks af rómönskum uppruna“. Hún sagðist trúa á kraft kvenna og nefndi að þær gætu skipt sköpum í kosningunum.
Eitt af sjö sveifluríkjum
Fjórðungur íbúa í Nevada-ríki er af rómönskum uppruna og geta atkvæði þeirra því haft mikið að segja í kosningunum. Nevada er eitt af sjö sveifluríkjum sem munu skera úr um niðurstöðu kosninganna. Árið 2020 vann Joe Biden Bandaríkjaforseti í ríkinu með 33.500 atkvæðum umfram mótframbjóðanda sinn Trump, að því er BBC greindi frá.
„Miklu meira en bara yfirmaður”
Fjögurra manna fjölskylda slapp úr brennandi íbúð
Græddi á láninu
Ellefu stjórnmálasamtök skiluðu inn framboðsgögnum
Tala látinna hækkar enn vegna flóðanna
Dómar mildaðir í Bankastrætismálinu
RARIK greiðir bætur vegna raftækja