Þeirri spurningu er varpað fram á Vísindavefnum hvað gerist ef forsetaframbjóðendur í Bandaríkjunum fá báðir jafnmarga kjörmenn.

Frétt af mbl.is

Hvað gerist ef það verður jafntefli?

„Ef enginn fær meirihluta kjörmanna í forsetakosningum í Bandaríkjunum, þá kýs fulltrúadeildin forseta og öldungadeildin varaforseta. Ef þessi staða kæmi upp í kosningunum haustið 2024, þá væru allar líkur á því að repúblikanar fengju að velja sína frambjóðendur í bæði embættin,“ segir í stutta svarinu frá Silju Báru Ómarsdóttur, prófessor við stjórnmálafræðideild Háskóla Íslands.

Frétt af mbl.is

Jafnt á fyrstu tölum í Bandaríkjunum

Fram kemur að atkvæði kjósenda ráði ekki úrslitum um það hver verður forseti Bandaríkjanna, heldur atkvæði kjörmannanna svokölluðu. Þeir mynda kjörmannaráðið eða Electoral College, sem er fastmótað í stjórnarskrá Bandaríkjanna.

„Eftir því sem íbúasamsetning í Bandaríkjunum breytist þá hafa atkvæði í kjörmannakerfinu breyst. Þau eru nú 538 og það þarf einfaldan meirihluta, það er 270 atkvæði til að hreppa embættið. En þetta þýðir að atkvæði geta staðið á jöfnu, þannig að hvor af frambjóðendum stóru flokkanna fái 269 atkvæði,“ segir þar einnig.

Tengdar fréttir

Forsetakosningar í Bandaríkjunum 2024

Rogan lýsti formlega yfir stuðningi við Trump

• Jafnt á fyrstu tölum í Bandaríkjunum
• Musk má gefa kjósendum milljón dollara
• „Fólk elskar þennan mann“
• Hvað gerist ef það verður jafntefli?

» Fleiri tengdar fréttir

• Blogga um frétt