Annað eldgos í Lewotobi Laki-Laki á fjórum dögum

Eldgos hófst á nýjan leik í eldfjallinu Lewotobi Laki-Laki í austurhluta Indónesíu í morgun og er þetta er annað gosið í fjallinu í vikunni.

Á mánudaginn fórust tíu manns og tugir manna slösuðust þegar gos braust út í fjallinu og kvikan fór yfir nærliggjandi þorp á svæðinu. Öllum íbúum í sjö kílómetra fjarlægð var gert að rýma svæðið eftir gosið á mánudaginn eða rúmlega fjögur þúsund manns.

Frétt af mbl.is

10 látnir eftir eldgos í Indónesíu

AFP-fréttaveitan greinir frá þessu og hefur eftir íbúum á svæðinu að eldgosið sem hófst í morgun sé það öflugasta sem þeir hafi séð en eldfjallafræðistofnun landsins segir að öskuskýið hafi náð átta kílómetra hæð.

Engar fregnir hafa borist af skemmdum í nærliggjandi þorpum en íbúar og skólabörn sáust hlaupa frá heimilum sínum þegar gosið hófst.

Lewotobi Laki-Laki er eitt eldfjalla á austurhluta eyjunnar Flores. Gosið hefur reglulega úr fjallinu síðan í desember á síðasta ári.

• Blogga um frétt