Heilbrigðisráðherra Trump með efasemdir um bólusetningar
Setja bókamerki
Donald Trump, tilvonandi og fyrrverandi forseti Bandaríkjanna, hyggst skipa Robert F. Kennedy yngri, fyrrum mótframbjóðanda sinn, í stöðu heilbrigðisráðherra.
„Of lengi hafa Bandaríkjamenn verið niðurbarnir af matvælaiðnaðinum og lyfjafyrirtækjum sem hafa beitt blekkingu, dreift falsupplýsingum og rangfærslum þegar kemur að lýðheilsu,“ sagði Trump í yfirlýsingu.
Kvaðst hann ánægður með val sitt á Kennedy sem hann væri fullviss um að myndi „gera Bandaríkin heilsuhraust á ný.“
Með orm í heilanum
Kennedy úr einni þekktustu demókratafjölskyldum Bandaríkjanna en hann er sonur Robert F. Kennedy eldri, dómsmálaráðherra og öldungadeildarþingmanns, og bróðursonur fyrrverandi forseta Bandaríkjanna, John F. Kennedys heitins.
Bauð hann sig sjálfur fram til embættis forseta sem óháður frambjóðandi en lýsti stuðningi við Trump í ágúst. Kennedy er umhverfisfræðingur að mennt og er þekktur fyrir umdeildar skoðanir sínar og efasemdir um bólusetningar.
Er Kennedy einnig þekktur fyrir ýmsar furðulegar sögur af sjálfum sér en til að mynda birti hann tíst á samfélagsmiðlinum X þar sem hann sagði lækna hafa fundið orm í heilanum á sér.
Þá blöskraði mörgum frásögn hans af því að hafa sagað höfuðið af strönduðum hval með vélsög og fyrir að hafa fleygt hræi bjarnsunga í Central Park í New York, eftir að unginn hafði orðið fyrir bíl.
Nota ekki jólaljós til að níðast á fólki
Erfiðara fyrir flokka að segjast hlutlausir
Vilja bora við Bolaöldu
Var rétt komin ofan í sprunguna
Spá illviðri víða um land á morgun
/frimg/1/52/89/1528998.jpg)
Eftirminnilegur og áhugasamur
Við urðum að byrja upp á nýtt
Hjúkrunarfræðingar skrifa undir kjarasamning